Hvaða skrímsli er þetta?

Já það er sko ýmislegt sem leynist í örheimi smásjánna. Þessi mynd er af Sodium oxyde- eða Alumina ögn í stálsýni sem ég var að rannsaka í gær og lögunin og stærðin eru órúleg, næstum 0,2 mm í radíus. Nokkuð sem gæti validið stórslysum ef slíkt stál yrði notað í mannvirki. Mér finnst nú reyndar þessi mynd minna frekar á einhverja pöddu:)

Brá mér í stórborgarferð um helgina

Við Hannes ákváðum með litlum fyrirvara að skella okkur til Köben um síðustu helgi og hitta þar gamla og góða vini. Við dvöldumst hjá hinu frábæra ektepari Óla Hauki og Láru Kristínu í frábæru yfirlæti og kann ég þeim bestu þakkir fyrir frábæra móttöku. Þar sem ég stoppaði aðeins í rúma tvo sórlarhringa í hinni fornu höfuðborg okkar, þá gafst nú ekki tími til að hitta alla þá sem ég þekki á þessum slóðum og skoða alla túristastaðina, en það varð nú samt bara ótrlúlega mikið úr þessu og ferðin í Christianiu er sérstaklega eftirminnileg og ótrúlegt að slíkur staður skuli fyrirfinnast í borg eins og Köben. Eftir næstum 5 tíma seinkun á fluginu mínu heim til Trondheim í gær þá komst ég loksins á leiðarenda og er nú að jafna mig eftir 10 tíma vinnudag með því að drekka ódýrt danskt öl;)

Að spóka mig á Nyhavn

Í fallegu umhverfi við litlu hafmeyjuna. Gaman að sjá þessa spúandi kolareykháfa í baksín;)

...ef ég ætti úti kindur, þá myndi ég taka þær allar inn...

Já það hafa sko verið sannkallaðar frosthörkur hér í Noregi undanfarna daga. Hér er allt á bólakafi í snjó og miklar stillur og sólskin og stjörnubjartar frostanætur, semsé kjöraðstæður til stjörnuskoðunar. Norðurljós eru þó fátíðari hér heldur en heima og má því kenna um að Þrándheimur liggur á breiddargráðu rétta sunnan við syðstu annes Íslands.

Noregur er ennþá í sárum eftir miklar hrakfarir norskra skíðamanna á ólympíuleikunum í Torinó á Ítalíu. Fór þar saman mikill klaufaskapur og óheppni og var uppskeran með því rýrara sem þeir hafa þurft að upplifa, ca. 20 verðlaun og þar af aðeins tvenn gullverðlaun. Því er svo bætt við að Norðmenn hafi átt flest fjórðu sætin. Hehe segi ég nú bara, gildir ekki ennþá orðtakið: "winner takes it all"?
Og til að núa salti í sárin þá var velgengni Svía með ólíkindum, en skv. norskum fjölmiðlum er það víst því að þakka að Svíar voru með svo marga norska þjálfara. Greinilegt var þegar maður horfði á sænsku sjónvarpsstöðvarnar að sigurganga Svía var ennþá sætari í ljósi ófara Norðmanna. Skemmtilega mikill rígur á milli þessara frændþjóða.
Fólki hér finnst mjög skrítið að við Íslendingar skulum ekki eiga fleira (maður ætti kannski að segja eitthvað) afreksfólk í skíðaíþróttum og ég er nú eiginlega alveg sammála. Af hverju erum við bara ánægð ef okkar fólk kemst niður brekkurnar án þess að detta? Einhver hefð sem Kiddi Bubba setti hérna um árið?

Ég held að stærstu fréttirnar frá Íslandi í vikunni hafi nú verið sigur MA á MR í Gettu betur í fyrsta sinn í sögunni. Ég held ég verði nú að nota fleyg orð Hjálmars vinar míns frá því um árið og segja að við séum nú á "Toppi Gettu betursins" (þú leiðréttir mig ef þetta er ekki rétt haft eftir Hjálmar:)).
Ragga systir, hvað er þetta með MR og Gettur betur eftir að þú byrjaðir þarna? Ég á nú eftir að geta núið þér þessu um nasir í fjölskylduboðum framtíðarinna;)

NB! Nýjar myndir verða hér með settar undir tengilinn: "Nýjar myndir", mjög frumlegt ekki satt? Þar má m.a. finna myndir frá þorrblóti Íslendingafélagsins í Þrándheimi.

Þorrablót - festival (in english)

We Icelanders are the heir of viking tribe that escaped the dominance of King Harald Fair Hair in Norway and settled down in the island of Iceland around the year 870 A.D..It was tough to survive in Iceland for all these years and we had to get used to unfair natural disasters, like volcanic eruptions inside towns:
Where the sign of God was the only thing the lava didn´t destroy.
And earthquakes and floods are part of our normal day life:)
Therefor we needed some schnaps that suited the life in this challenging environment. We invented the schnaps Brennivín. It's taste is so awful that it is called: "Black death" by foreigners:
And as the vikings in the old days, we stick to our old traditional food in the Þorrablót-festival. We eat dried fish, rotten shark, smoked lamb, rams testicles, sheeps heads and all kinds of rotten and sour food:/
So here you can see how this looks like:

Icelandic:
Ég þurfti að setja inn nokkrar myndir fyrir þorrablótið í kvöld. Erlendir vinir mínir eru nokkuð forvitnir að sjá hvernig maturinn lítur út eftir þessar hrikalegu sögur sem ég var búinn að segja þeim:)

Á skíðum skemmt' ég mér, trallallala

Það eina sem gert er í Noregi þessa dagana er að vera á skíðum eða að horfa á skíði í sjónvarpinu. Ég gat nú ekki annað en smitast af þessari bakteríu þeirra og skellti mér því á skíðanámskeið og fyrsta kennslustundin var í dag. Við fórum upp í Bymarka og gengum þar um fjöllin í um 3 tíma. Alger snilld og veðrið var eins og best verður á kosið. Einn prófessorinn minn sagði mér að það væri alveg hægt að loka háskólanum á meðan vetrarólympíuleikarnir standa yfir. Allir fyrirlestrasalir eru tómir þegar verið er að keppa og þetta er sko miklu meira en keppni fyrir Norðmennina. Þeir voru t.d. að vinna gull og brons í skíðastökki í kvöld og það ríkir sannkölluð þjóðhátíðarstemming vegna þess, sérstaklega eftir vonbrigðin með skíðagöngu karla og kvenna þar sem örugg gullverðlaun í báðum greinum runnu þeim úr greipum vegna matareytrunar og brotins skíðis:/

Ég læt hér fylgja með nokkrar myndir frá skíðatúrnum:Skíðakennarinn Lena kennir okkur gömlu trikkin

Við Heiko vorum bestir í hópnum, enda búnir að vera að æfa okkur að undanförnu:)

Rjómablíða í Bymarka (ísl. Bæjarmörk, útivistarsvæði í Trondheim)

Tilahun, skólafélagi frá Eþjópíu kunni vel við sig á gönguskíðunum, enda Eþjópíumenn frægir hlauparar og kunna vel við sig í þunnu fjallalofti

Er Silvía Nótt málið?

Ég er nú ekki mikill aðdáandi EuroVision Song Contest og hef verið þeirrar skoðunar að RÚV ætti frekar að verja fjármunum til að halda árlega söngkeppni á Íslandi. En undankeppnin í ár hefur svo sannarlega slegið í gegn og ég verð að viðurkenna að ég horfði á síðasta þátt í beinni útsendingu á netinu og skemmti mér vel. Ísland er alveg fáránlega lítið. Í þessum þætti var Kiddi Sigmars mágur ömmu að spila á trompet í lagi Harðar Ólafssonar, Raggi Ólafs sem söng með mér í Töfraflautunni í fyrra (sem Papagenó) var bakraddasöngvari í lagi Örlygs Smára og Erna Hrönn Ólafs. MA vinnkona og ofursöngkona var bakraddasöngkona í lagi Sveins Rúnars og Birgittu Haukdal.

Það verður nú ekki um það deilt að hápunktur kvöldsins var framkoma leikkonunnar Ágústu Evu í hlutverkinu Silvía Nótt. Hvað er málið með þessa manneskju. Ég get ekki annað en dáðst af leikhæfileikum þessarar stelpu að geta leikið svona ömurlega pirrandi persónu. Ég hef haft lúmskt gaman af þessum karakter frá byrjun, m.a. eftir frægt viðtal við Geirmund Valtýrs. á Króknum í fyrra. Fyrst við erum á annað borð að taka þátt í þessum EuroVision pakka, þá finnst mér alveg eins gott að senda Silvíu í lokakeppnina. Ég myndi allavega horfa á það show:)

Svo er lagið bara býsna gott og bara merkilega vel flutt. Ég var einmitt að grúska á tónlistarsíðu í gær vegna þorrablótskórsins okkar í Íslendingafélaginu í Þrándheimi og þá rakst ég á lagið "Til hamingju Ísland" eftir Þorvald Bjarna með gripum og öllu. Verður örugglega vinsælt í partíum á næstunni.
Þar sem ég verð ekki á Íslandi á laugardaginn þá get ég ekki kosið, en mitt atkvæði færi til Silvíu, bara til að hrista aðeisn upp í þessari EuroVision hefð okkar:)

Snilldar texti:

Til hamingju Ísland

E F# G A C A G E Oh cool!

E F# G A C A G E

E E F# G Hey þú ó gess lega töff

A C A ég er að tala við þig

G E Ég er Silvía Night

E F# G A shin in’ in the light

C A G F# Ég veit þú þráir mig

F# Born in Reykjavík,

F# Ab A B hæfi leika rík ,

B C# D E ekkert landsbyggðarfrík

E F# G E Ég veit ég vinn fockings úr slit in

öll hin lögin hafa tapað

E A E/Ab F#m Til hamingju Ísland - með að ég fæddist hér

D Bm D Ég Silvía Nótt og þið haldið með mér

E Bm A E/Ab F#m Euro vision- nation fær sko flog er ég kem

D Bm D Ég er fædd til að vinn’etta tremma í hel

E D E (Töff töff töff)

E F# G A C A G E

o.s.frv.

Merktur maður

Já ég verð víst að svara eftirfarandi spurningalista eftir að Ásdís Kjalvör merkti mig:)

Fjögur störf sem ég hef gegnt:

*Hreppstjóri á heimavist MA (fékk máltíð á Greifanum í laun)
*Trjágróðursetning á útisvistarsvæðum Sauðárkróks
*Móttökutöffari í rækjuvinnslunni á Húsavík
*Ýmis störf hjá ISAL í Straumsvík, m.a. á 35 tonna vinnuvélum

Fjórar kvikmyndir sem ég get horft á aftur og aftur:

*The Godfather part I-III
*Braveheart
*2001: A Space Oddisey
*Monty Python and the Holy Grail (ég er þó ekki alveg eins forfallinn eins og Fjölli)

Fjórir staðir sem ég hef búið á:

*Sauðárkrókur
*Akureyri
*Kópavogur
*Trondheim

Fjórir sjónvarpsþættir sem ég dýrka að horfa á:

*Fastir liðir eins og venjulega
*Línan
*Cheers
*Klaufabárðarnir

Fjórar vefsíður sem ég heimsæki daglega:

*www.ntnu.no
*www.mbl.is
*www.ruv.is
*www.teamtalk.com

Fjórir af mínum uppáhaldsréttum/mat:

*Heimatilbúin sviðasulta með laufabrauði að norðlenskum hætti
*Lamb (margir möguleikar)
*Svínahamborgarhryggur með tilheyrandi meðlæti
*Ýsa í raspi (eins og svo oft hefur komið fram)

Fjórir staðir sem ég vildi frekar vera á núna:

*Ísland
*Suðræn sólarströnd
*Tonga í kyrrahafi
*San Fransisco

Fjórir bloggarar sem ég vil merkja mér..

*Hr. Nesi
*Ilmur
*Lovísa
*Fjölli

Veturinn kominn aftur:)

Eftir blauta og votveðrasama tíð að undanförnu hefur vetur konungur gengið í garð að nýju hér í Þrændarlögum og snjónum hefur kyngt niður um helgina. Til að mynda var -33 °C í Finnmörku í Norður-Noregi síðustu nótt. Ég held að menn hérna hafi verið farnir að dansa "snjódansa", svo mikið var vatnsveðrið hérna í síðustu viku. Að vísu hafði þetta nú ekki mikil áhrif á lífið hérna í Þrándheimi, en í bæjum hérna fyrir norðan hreinlega flutu sum húsin af grunnunum og brýr og vegir skemmdust talsvert.

Nú kætast Nojararnir og horfa hýru auga á allan þennan snjó sem hægt er að nota til skíðaiðkunar. Ég hef einnig verið að bíða eftir snjónum því ég er að fara á námskeið í notkun gönguskíða. Alþjóðaskrifstofan bauð erlendu nemunum uppá þetta námskeið og leigði okkur skíði gegn vægu gjaldi. Í kvöld gat ég svo bara ekki staðið á mér lengur og ákvað að halda í jómfrúarferðina í nýju flottu Telemark skíðunum. Eftir nokkuð basl við að koma þessu öllu saman á réttan hátt þá renndi ég mér af stað og viti menn, ég bara sveif áfram eins og ég hefði fæðst á svona skíðum. Maður á greinilega ekki ættir sínar að rekja til Tröllaskagans og Vestfjarða fyrir ekki neitt:)
Ég hlakka því mikið til að fara með hinum erlendu nemunum upp á fjöll ca. 6 skipti í vetur og ganga um barrskóga Skandinavíu á skíðum.

Það er ekki um annað talað í Noregi þessa dagana en þessar skopmyndir af Múhameð spámanni í Jylandsposten og Magazin. Norski fáninn er brenndur vítt og breitt um Mið-Austurlönd og það er allt að fara úr límingunum þarna suðurfrá. Það er geinilegt af þessu að heimsfriðurinn stendur valtari fótum heldur en maður hefði haldið og lönd eins og Noregur og Danmörk sem hafa látið mest allra landa fé af hendi til þróunaraðstoðar í þessum arabalöndum og verið í fararbroddi friðarumleitana fyrir botni Miðjarðarhafs þurfa nú að súpa seyðið af því að búa við tjáningarfrelsi. Vandamálið er held ég að fólk í þessum suðlægu löndum er ekki vant því að sjá skopmyndaformið notað í fréttaflutningi. Við þurfum að senda SIGMUND til þeirra til að útskýra hlutverk skopmynd. Það er nú allt í lagi að hafa smá húmor fyrir sjálfum sér og samfélagi sínu?

Það verður gaman að sjá Silvíu Nótt taka EuroVision í ár...

Kominn heim úr kojunni

Ég brá mér af bæ yfir helgina í hópi góðra vina og við eyddum laugardagsnóttinni við arineld í Agdenes koju sem stendur við afskekkta strönd í minni Þrándheimsfjarðar. Veðrið hafði verið frekar leiðinlegt alla síðustu viku en það rættist úr því á laugardeginum og þá héldum við á stað í þennan leiðangur. Við borðuðum grillað nautakjöt með tilheyrandi meðlæti að hætti Jónasar og svo lét ég útlendingana prófa íslenskan harðfisk, sem féll reyndar í misgrýttan jarðveg. Segja má að þetta hafi verið lokapunkturinn á dvöl Magneu og Jónasar hér í Noregi því þau munu halda til Nýja Sjálands í vikunni og dvelja þar í hálft ár og verður þeirra áræðanlega saknað héðan. Eins og sjá má á myndunum þá var svona frekar napurt í Skandinavíu þessa annars ágætu vetrarhelgi...

Hjartardýr eru víst algeng á þessum slóðum

Hér sést Agdenes kojan. Nokkuð kósí kofi en án allra þæginda, eins og Nojararnir vilja hafa það:)

Klettótt landslag með litlum sveitabýlum og sjávarþorpum

Í göngutúr í köldu janúarveðri

Litla vatnið og stóra vatnið séð frá klettinum góða

Aftur í Noregi:)

Jæja nú gilda engar afsakanir lengur, ég verð að halda áfram að blogg eftir þetta ágæta jóafrí sem leið reyndar alltof hratt:/ Hér er allt komið á fulla ferð á nýjan leik og mér lýst bara nokkuð vel á nýja önn.
Ég tek kúrsa sem heita Hreinsun og endurvinnslu (Refining and recycling) og Eldföst efni (Refractories). Svo verð ég í rannsóknarvinnu á tilraunastofunni þar sem viðfangsefnið er hegðun efna við hátt hitastig (High temperature project work). Að lokum tek ég svo þátt í verkefni sem heitir Expert in teams og verð ég í því alla miðvikudaga frá 9-16. Þetta verður viðfangsefni þar sem þverfaglegir hópar vinna við að leysa ákveðin úrlausnarefni úti í fyrirtækjum. Við verðum þar í samstarfi við norsku fyrirtækin Hydro og Elkem.

Síðusta helgi var tekin með trompi og haldið út bæði föstudags- og laugardagskvöld í heimapartý hjá vinum. Svo fór ég í bíó í gærkvöldi og sá hina klassísku King kong ásamt hinum nýja norska meðleigjanda mínum.

Ykkur til gamans sem hafið áhuga á að sjá myndir héðan frá Þrándheimi þá set ég hér smá link(rauðu stafirnir hér fyrir neðan) með ca. 10 mínútna (túrista) myndbandi um borgina. Þarna sést meðal annars flott loftmynd af Glöshaugen kampusnum hér við NTNU og einnig frægt mark sem Rosenborg skoraði gegn Arsenal í Meistaradeild Evrópu hér á Lerkendal vellinum fyrir tveimur árum
Myndband-Trondheim

Gleðileg jól

Ég sendi öllum vinum og vandamönnum til sjávar og sveita bestu kveðjur um hamingju og sálarfrið um jólin og áramótin. Takk fyrir góðar stundir á liðinni tíð og megi þær verða fleiri og enn betri á næsta ári.
Hafið það gott og gangið hægt um dyr gleðinnar

Sigurður Ágúst:)

(engilsh)
I wish you all Merry Christmas and a Happy New Year. Thanks for great moments in Norway during the last months and I hope the next year will be even better:)
And as we say in Iceland: "Walk slowly through the doors of happyness".

Sigurdur Agust.

Eksaminasjonen afslutted - jule ferien begynner

Jólafríið er byrjað:) Þrándheimur er þakinn hvítri fönn og það er ekkert smá jólalegt í bænum. Nú er bara að krossleggja fingur um að ég komist heim á miðvikudaginn, myndi ekki afbera það að verða veðurteftur hér í Norge yfir jólin.Þá er bara að njóta þess að slæpast næstu vikurnar og lifa í langþráðri afslöppun, vona að það gangi vel. Forgangsmál í Íslandi er að fara í heita potta og gufuböð og njóta okkar mögnuðu náttúruauðlinda sem ég hef saknað mikið hér í Norge.

Jæja best að fara og kaupa sér smá öl til að halda upp á próflokin, sjáumst í klakanum:)

Back to the jungle

Ég get nú ekki viðurkennt annað en að ég er kominn a.m.k. á þrepið lengst til hægri á þessari skýringamynd um þróun mannkyns. Spurning hvort líf Neanderdals mannsins hafi ekki bara verið miklu þægilegra og afslappaðra?Nú eru bara 13 dagar þar til maður verður kominn með eldgömlu Ísafold aftur undir fæturna.

Svo voru snilldar fréttir fyrir mig í dag. SAS Braathens ætlar að byrja að keppa við Flugleiði í Keflavík-Oslo fluginu í mars. Þeir ætla að bjóða miða á sjö þúsund kall:) Nú getur því enginn sagt að hann geti ekki heimsótt mig vegna þess að það sé svo dýrt. Ég verð því væntanlega eins og grár köttur á Íslandi á næsta ári...

No comment

Norge har fått en ny prins

Ingrid Alexandra fikk en lillebror
Hér í Noregi ríkir nú mikil gleði og hamingja þar sem Haakon krónprins og Mette-Marit prinsessa eignuðust lítinn prins í morgun. Það er um fátt annað talað í sjónvarpinu og nánast bein útsending frá tröppum ríkisspítalans í Osló. Þetta er greinilega mikill hvalreki fyrir gulu pressuna (VG og Se & Hør), ótúlegt hvað fólk virðist hafa gaman að því að lesa slúður um kóngafólk.

Hva skal barnet hete?
Samkvæmt pressunni er klappað og klárt að gutten muni verða skírður einu af eftirfarandi klassísku norsku kónganöfnum: Olav, Harald og Haakon. Örlitlar líkur eru þó á að hann muni heita kónganafni frá fyrri öldum og eru þá nöfnin Magnus og Sverre helst nefnd til sögunnar.

Ég held að við Íslendingar þurfum að fara að kaupa okkur kóng, svona eins og norðmenn gerðu í kringum árið 1900. Er ekki einn danskur prins á lausu sem við gætum reynt að kaupa?

Fyrsta prófið afstaðið:)

Ég lauk mínu fyrsta lokaprófi af fjórum um hádegisbilið í gær. Það gekk bara fínt og ekkert sem kom mér á óvart. Það er nú reyndar dálítil breyting að taka prófin hérna miðað við í HÍ því hér má ekki hafa nein gögn með sér í prófin og maður þarf því ekki að mæta með allt bókasafnið sitt með sér eins og maður var farinn að gera á flestum lokaprófum í verkfræðideildinni. En prófin verða allt annars eðlis, meiri páfagaukalærdómur og því mun mikilvægara að haga prófundirbúningnum betur heldur en maður gerir þegar maður veit að maður getur flett upp á öllu sem maður þarf á að halda eins og ég var orðinn vanur. Spurning hvor aðferðin er betri, en allavega lendir maður ekki í þessu klassíska tímahraki þegar prófin eru án allra hjálpargagna, annaðhvort veistu svarið eða ekki svo einfallt er það nú.

Það var nú líka dálítið skondið hvernig þeir láta mann skrifa svörin niður. Mér var afhentur búnki af pappaörkum sem hver um sig var í þríriti. Hvítt blað fremst sem maður ritaði svarið á, svo kom blátt blað undir því og svo gult blað þar undir. Allt sem ég skrifaði var því í þríriti og ég tók eitt eintakið með mér heim en hin tvö fara svo til prófessorsins og skólayfirvalda. Greinilega fyllsta öryggis gætt til að gæta hagsmuna allra aðila.

Nú er ég að læra undir lokaprófið í Carbon Materials Technology. Morten vinur okkar Sörlie lofaði að vera sanngjarn og því hef ég ekki miklar áhyggjur af þessu fagi. Ég er sem sagt að lesa um koksframleiðslu og olíuhreinsun og aðra hluti sem tengjast olíu- og kolabransanum. Ekki datt mér nú í hug að ég ætti eftir að verða sérfróður um þrepaeimingu á jarðolíu en það er nú víst raunin:)

Svo er stefnan sett á jólaglögg hjá Íslendingafélaginu á laugardaginn í bjórkjallaranum okkar í Ísakoti. Maður verður nú að taka því rólaega fyrst maður er nú í miðri próftíð:/ Á sunnudaginn er svo messa hjá íslenska söfnuðinum í Noregi og verður hún haldin í sjálfri Nidardomen, hinni ævafornu dómkirkju hér í Þrándheimi. Á sunnudagskvöldið er svo planið að kíkja í smá indverskt matarboð hjá slóvenska arkítektinum. Jana var að koma heim úr námsferð í Urban planning til Indlands og Nepal og tók með sér einhver sér indversk krydd sem hún ætlar að nota til að matreiða eitthvað framandi. Hún bauð því nokkrum vinum heim til að smakka á þessu. Verður gaman að sjá:)

Fleira er ekki í deiglunni að sinni og verð ég nú að halda áfram að fræðast um undur og töfra knattkola.

Gúrkutíð í fréttaflutningi næstu vikurnar

Eins og tryggir lesendur hafa tekið eftir þá hef ég nú ekki verið að blogga mikið undanfarna daga og vikur. Próftíðin er formlega byrjuð og þessvegna í mörg horn að líta og mismikill tími og tilefni til að segja af sér fréttir. Ég reyni nú samt að senda frá mér stutt skilaboð en ég lofa að verða mjög duglegur þegar próftíðin verður afstaðin 19.des:)
Fyrsta prófið er semsagt miðvikudaginn 30. nóv og það er því allt á fullu þessa dagana við að reyna að halda sér vakandi yfir misskemmtilegum fræðibókum og fyrirlestrarnótum:/

Maður sér nú í fréttum frá Íslandi að það er greinilega nóg af snjónum, allavega norðanlands. Það hefði nú einhverntíman þótt saga til næsta bæjar að Tindastóll við Sauðárkrók væri helsta skíðaparadís Evrópu en það er víst raunin um þessar mundir, áfram Tindastóll.

Ég skrifa vonandi jákvæðar fréttir af mér á miðvikudaginn.
Mr. S.

Spúla eða smúla?

Það er stundum gaman að velta fyrir sér málnotkun fólks og mismunandi skoðanir á því hvað er rétt og hvað er rangt. Við getum ekki komist hjá því að verða fyrir áhrifum af uppruna okkar og samfélagi og fólki í kringum okkur. Einnig tökum við oftast afstöðu eftir því sem henntar okkar stöðu hverju sinni, við erum jú bara rándýr með aðeins stærri heila en keppinautar okkar í dýraríkinu.
Hvort á maður að nota "spúla" eða "smúla"? Þetta er mikið tilfinningamál fyrir suma. Hverfjall eða Hverfell? Fer eftir því hvaðan úr Mývatnssveitinni þú ert. Orðtök eins og: "Heimskur er jafnan höfuðstór" vs. "Lítið vit í litlum kolli". Þú velur það sem henntar höfuðstærð þinni. Spurning hvort að meðalmennskan sé best í öllum málum?

Svo er alltaf þessi eilífa barátta milli kynjanna:

eða

Og svo má lýsa þróun í stjórnmálum mannkyns með þessari mynd:

Nostalgía á Gufunni í morgun

Ég var að hlusta á mjög skemmtilegt viðtal í Laufskálanum á Rás 1 í morgun við fyrrverandi meistara vorn, Magister Tryggva Gíslason, þar sem hann var að tala um fræðastörf sín í íslenskum fræðum við Háskóla Íslands. Eins og við mátti búast þegar Tryggvi er annars vegar þá tefldi hann að sjálfsögðu fram einu af sínum bestu trompum frá 30 ára ferli í MA, þ.e. upptökum Didda fiðlu af söng Kórs Menntaskólans frá árunum 1999-2001.
Maður gat nú ekki annað en fyllst stoli yfir að hafa tekið þátt í þessu skemmtilega verkefni og geta heyrt eina og eina nótu í sjálfum sér. Ég læt nú fylgja með myndir frá tveimur skemmtilegum tónleikum sem ég tók þátt í með Menntaskólakórnum:

Tónleikar í Norræna húsinu í Þórshöfn í Færeyjum vorið 1999

Tónleikar í Edinborg í Skotlandi vorið 2001
(Þess má geta að á þessum tónleikum datt allur bassinn út í einum kafla í einhverju lagi sem ég man nú ekki hvað heitir, en við héldum póker-feisinu og ég held að enginn hafi tekið eftir því)

Ég held ég þurfi að ganga í einhvern af þessum fjölmörgu kórum hérna í Háskólanum til að standa undir nafni sem alvöru kórnörd;)

Noregur er þarna rétt hjá Múmíndalnum

Í skemmtilegu samtali við Svanhildi systur mína (5 ára) í gær þá reitti hún af sér gullmolana eins og henni er einni lagið. Þegar ég spurði hana hvort að hún vissi hvar Siggi bróðir væri eiginlega þá var hún sko alveg með það á hreinu og hún bætti svo við þeirri skondnu landafræði-tilgátu að: Noregur væri þarna rétt hjá Múmíndalnum.
Magnaðir þessir grísir á þessum aldri, sjá heiminn svona í aðeins víðara og hugmyndaríkara samhengi en við hin:)
Þetta er nú samt ekki svo fjarri lagi því Finnland (þ.e. heimaland Tove Jansson) er náttúrulega rétt hjá Noregi og svo er landslagið hérna í Noregi nú ekkert ólíkt því sem fyrir augu ber í Múmíndalnum, djúpir og grösugir dalir með litskrúðugum timburhúsum og fullt af furðufuglum;)
Ég gæti því hugsanlega, m.v. tilgátu Svanhildar systur, verið á slóðum míns uppáhalds skáldsögukarakters Bísam rottunnar eða Hr. Bísams eins og hann kýs að láta kalla sig. Þessi magnaði heimspekingur er náttlega bara alger snilld og hann á sér svo margar samsvaranir allt í kringum okkur í svartsýnisfólki og heimsendaspámönnum.
Aldrei að vita nema maður rekist á einhvern af þessum karakterum einhvern daginn hérna í Noregi:) Yfir og út.